This embed is invalid

بولی وڈ کے چاکلیٹی ہیرو شاہد کپور آرہے ہیں ایکشن اور مصالحہ سے بھرپور فلم 'آر راجکمار' میں دبنگ گرل سوناکشی سنہا کے ساتھ۔

فلم کا پہلا ٹریلر جاری کردیا گیا ہے جو شائقین کی توجہ کا مرکز بنا ہوا ہے۔

چاکلیٹی ہیرو شاہد کپور اور دبنگ گرل سونا کشی سنہا کی جوڑی پہلی بار 'ریمبو راج کمار' میں نظر آئے گی۔

ہدایت کار پربھو دیوا کی ایکشن فلم میں شاہد اور سوناکشی کے ساتھ سونو سود اور پونم جھاور اہم کردار ادا کر رہے ہیں۔

اس کے علاوہ 'عاشقی ٹو' کی ہیروئن شردھا کپور آئٹم سونگ میں جلوہ گر ہوں گی۔

اس موقع پر شاہد کپور کا کہنا تھا کہ پربھو دیوا کے ساتھ کام کرنا میرے لیے ایک اعزاز ہے اور میں خود کو بہترین ڈانسر سمجھتا تھا مگر جب میں نے ان کے ساتھ پرفارم کیا تو ایسا لگا کہ میں ابھی سیکھ رہا ہوں۔

سوناکشی سنہا پربھو دیوا کے ساتھ دوسری فلم میں کام کر رہی ہیں اور وہ کافی پر اعتماد ہیں۔

ایکشن اور رومانس سے بھرپور یہ فلم کو چھ دسمبر ریلیز کی جائے گی۔